कांग्रेस नेता स्वर्गीय सिंहको शालिक अनावरण गर्न सभापति देउवा हेलिकप्टर चढेर धनुषा पुगे

जनकपुरधाम । नेपाली कांग्रेसका सभापति शेरबहादुर देउवा हेलिकप्टर चढेर आफ्ना नेताको शालिक अनावरण गर्न धनुषा आएका छन् ।

कांग्रेस सभापति देउवा चढेको हेलिकप्टर केहिबेर अगाडि धनुषाको औरहीस्थित सामुदायिक विद्यालयमा अवतरण गरेको हो । सभापति देउवा पुगेपछि कांग्रेसका स्थानीय नेता तथा कार्यकर्ताहरु स्वागत गरेका छन् ।

औरहीको सामुदायिक विद्यालयमै कांग्रेस नेता स्वर्गीय राजकिशोर सिंहको शालिक र पार्क निर्माण गरिएको छ । सिंहको शालिकको पार्टी सभापति देउवाले अनावरण गर्ने कार्यक्रम छ ।

धनुषा २ का क्षेत्रिय सभापति रहेकै बेला गतवर्ष सिंहको निधन भएको थियो । उनको शालिक छोरा सन्दिप सिंहले आफ्नै लगानीमा बनाएको बुझिएको छ ।