नेपालगञ्जमा एक सातापछि हट्यो कर्फ्यु


रूपन्देही । बाँकेको नेपालगञ्जमा हिन्दू र मुस्लिम समुदायको विवाद कम गर्न स्थानीय प्रशासनले लगाउँदै आएको कर्फ्यु र निषेधाज्ञा हटाएको छ।्
असोज १६ गते दिउँसोदेखि नेपालगञ्जमा कर्फ्यु लगाइएको थियो। त्यसपछि रातिमा कर्फ्यु र दिनमा निषेधाज्ञा लगाउने गरिएको थियो। नेपालगञ्जको जनजीवन सामान्य बन्दै गएपछि प्रशासनले कर्फ्यु र निषेधाज्ञाको समय घटाउँदै लगेको थियो। सहायक प्रमुख जिल्ला अधिकारी टोपेन्द्रबहादुर केसीले कर्फ्यु र निषेधाज्ञाको हटाउने निर्णय भइसकेको जानकारी दिए।
हिन्दू समुदायको महान पर्व दशैं नजिकिएसँगै बजारमा चहलपहल बढेको र नेपालगञ्ज पुरानै लयमा फर्किएकाले स्थानीय प्रशासनले कर्फ्यु र निषेधाज्ञा हटाइएको हो ।
सामाजिक सञ्जालमा कुनै व्यक्तिले लेखेको स्टाटस र त्यसको जवाफमा लेखिएको कमेन्टको विषयलाई लिएर नेपालगञ्जमा दुई समुदायबीच सद्भावविरोधी गतिविधि भएका थिए ।