युनिसेफको प्रतिनिधि भेट्न होटल पुगे मुख्यमन्त्रीसहितका तीन मन्त्री, के भयो कुराकानी ?


कैलाली । सुदुरपश्चिम प्रदेश सरकारका मुख्यमन्त्री सहितका तीन मन्त्री युनिसेफ प्रतिनिधी भेट्न धनगढीको एक होटलमा पुगेका छन् ।
मुख्यमन्त्री कमल बहादुर शाह, भौतिक पुर्वाधार विकासमन्त्री प्रकाश बहादुर देउवा र आर्थिक मामिलामन्त्री माननीय नरेश बहादुर शाहीले आज नेपालका लागि युनिसेफ प्रतिनिधी एलिस् अकुङ्गासङ्ग भेटवार्ता गरेका हुन् । उनिहरुबिच धनगढीको चौलानी होटलमा भेटवार्ता भएको हो ।
भेटका क्रमामा उच्च जोखिमको समयमा बालबालिकाको संरक्षण, द्वन्द्व र कोभिड–१९ पछिको स्वास्थ्य सेवा, शिक्षा, पोषण, खानेपानी तथा सरसफाई एवम् संरक्षण, तथा बालबालिकाको स्थितीमा सुधारका लागि बालमैत्री शासन व्यवस्थाको प्रवर्धनका विषयमा छलफल भएको थियो । दीगो जलवायू परिवर्तन प्रतिकार्यमा प्रदेश सरकारसँग मिलेर काम गर्ने विषयमा पनि छलफल भएको जनाइएको छ ।