विद्युत र पेट्रोलियमबाट चल्ने ‘हाइब्रिड’ गाडीको पनि बढ्यो कर
नेपाल प्रेस
२०८० जेठ १७ गते १३:३९
काठमाडौं । सरकारले विद्युत र पेट्रोलियम पदार्थबाट चल्ने ‘हाइब्रिड’ कारको पनि कर बढाएको छ ।
हाइब्रिड कारलाई चार्ज गरेको शक्ति र पेट्रोलियम पदार्थबाट सञ्चालन गर्न सकिन्छ । सरकारले विद्युतीय र पेट्रोलियम दुबै शक्तिबाट सञ्चालन हुने कारको अन्तःशुल्क वृद्धि गरेको हो ।
आर्थिक ऐन २०८० मा अन्तःशुल्क वृद्धि गरिएको छ । ८ वटा भन्सार उपशीर्षकमा आयात हुने हाइब्रिड गाडीमा अन्तःशुल्क वृद्धि भएको हो । ४५ प्रतिशत अन्तःशुल्क लाग्दै आएकोमा १५ प्रतिशत वृद्धि गरेर ६० प्रतिशत पुर्याइएको छ ।
विद्युतीय गाडीहरुको पनि सरकारले कर वृद्धि गरेको थियो ।
प्रतिक्रिया