होटलमा बेहोस अवस्थामा फेला परेका चन्दको निधन
नेपाल प्रेस
२०८० जेठ १४ गते ८:१६
धनगढी । होटलमा बेहोस भएका बैतडीका एक जनाको मृत्यु भएको छ ।
मेलौली नगरपालिका-७ को एक होटेलमा शनिवार बेहोस भएका पञ्चेश्वर गाउँपालिका-२ का ५७ वर्षीय रनि चन्दको मृत्यु भएको हो ।
जिल्ला प्रहरी कार्यालय बैतडीका अनुसार भारतबाट आएका चन्द जेठ ११ गतेदेखि रिसब होटेलमा बस्दै आएका थिए ।
शनिवार बिहान होटेलका कर्मचारीले खाना खानका लागि बोलाउन जाँदा उनलाई बेहोस अवस्थामा फेला परेका थिए ।
उनको केशरपुर प्राथमिक स्वास्थ्य केन्द्र मेलौलीमा उपचारका क्रममा मृत्यु भएको हो ।
उनको मृत्युको कारण भने खुल्न सकेको छैन । उनको पोष्टमाटमपछि शव परिवारले बुझेको छ । घटनाबारे प्रहरीले छानबिन गर्दै छ ।
प्रतिक्रिया
सम्बन्धित खवर