धनकुटामा चितुवाको आक्रमणबाट तीनजना घाइते
नेपाल प्रेस
२०८० वैशाख ३१ गते १५:४२
धरान । धनकुटामा चितुवाको आक्रमणबाट तीनजना घाइते भएका छन् ।
धनकुटाको चौविसे गाउँपालिका-५ बोधेस्थित जङ्गलमा चितुवाको आक्रामणमा परी तीनजना घाइते भएका हुन ।
इलाका प्रहरी कार्यालय राजारानीका अनुसार यसरी घाइते हुनेमा २६ वर्षीय मुकेश याखा, ३० वर्षीय भुवन याखा र ३३ वर्षीय पविन याखा रहेका छन । मौनाखोला नजिकको जङ्गलमा उनीहरुमाथी चितुवाले आक्रमण गरेको थियो ।
सो आक्रामणमा परेका मुकेश र भुवनको धरानस्थित विपी कोइराला स्वास्थ्य विज्ञान प्रतिष्ठानमा उपचार भइरहेको छ भने अर्का घाइते पविनको भने स्थानीय मेडिकलमा उपचार गरिएको थियो ।
नेपाल प्रेस
प्रकाशित: २०८० वैशाख ३१ गते १५:४२
प्रतिक्रिया
सम्बन्धित खवर
