मन्त्री सुदन किराँतीले अन्तर्राष्ट्रिय विमानस्थलमा यी १२ समस्याको खोजे परिणाम – Nepal Press

मन्त्री सुदन किराँतीले अन्तर्राष्ट्रिय विमानस्थलमा यी १२ समस्याको खोजे परिणाम

काठमाडौं । त्रिभुवन अन्तर्राष्ट्रिय विमानस्थलमा एकपछि अर्को बेथितिको घटना बढेपछि संस्कृति, पर्यटन तथा नागरिक उड्डयनमन्त्री सुदन किराँतीले आकस्मिक बैठक बोलाएका छन् । बिहीबार विमानस्थलका अधिकारीसँग बैठक बसेर विमानस्थलमा यात्रुले पाइरहेको सास्तीबारे मन्त्री किराँतीले चासो राखेका हुन् ।

उनले ब्यागेज चोरिएको, विद्युतीय भर्‍याङको अवस्था, जहाजको उडान-अवतरण नियमितताको अवस्था, एयरपोर्टभित्रको महँगी, शौचालयको अवस्थालगायत १२ विषयमा चासो राखेका हुन् । आफूले उठाएका सवालबारे बोलेर, लेखेर नभई परिणाममा समाधान खोजेको मन्त्री किराँतीले बताए ।

यसअघि पटकपटक अनुगमन र निर्देशन दिँदा पनि समस्या समाधान नभएकोतर्फ ध्यानाकर्षण गराउँदै मन्त्री किराँतीले निम्न प्रश्नहरूको परिणाम खोजेको सामाजिक सञ्जालमा उल्लेख गरेका छन्-

१, व्यागेज चोरिएको घटनाहरू सत्य हो ?

२, अराइभलमा यात्रु लड्ने विद्युतीय भर्‍याङ्ग के हुँदैछ कहिलेसम्म बनि सक्छ ?

३, सरसफाइ अभियान के कस्तो चल्दैछ ?

४, समयमा जहाज उड्दैछ कि छैन ?

५, ब्रेकविनाको ट्रली किन्ने प्रकृया के हुँदैछ ?

६, एयरपोर्टभित्र महङ्गी नियन्त्रण भयो कि भएन ?

७, ब्रेकविनाको ट्रली फेर्ने काम कहाँ पुग्यो ?

८, शौचालयभित्र बजिरहेको सङ्गीत किन बन्द भयो ?

९, महिला शौचालयमा सेनिट्यारी प्याड राख्ने काम के भयो ?

१०, एयरपोर्ट अगाडिको ब्यूटिफिकेशन के भयो ?

११, एयरपोर्टभित्र कुकुर र बाँदर कसरी पस्यो ?

१२, एयरपोर्टभित्र वाईफाई प्रभावकारी किन चल्दैन ?


प्रतिक्रिया

Leave a Reply

Your email address will not be published. Required fields are marked *

सम्बन्धित खवर