मिटरव्याजपीडितलाई खुलामञ्च छिर्न नदिन महानगरका प्रहरी तैनाथ
नेपाल प्रेस
२०७९ चैत १३ गते १६:३०
काठमाडौं । काठमाडौं महानगरपालिकाले न्याय खोज्दै बर्दिबासबाट हिँडेर आइपुगेका मिटरव्याजपीडितलाई खुलामञ्च प्रवेशमा रोक लगाउने तयारी गरेको छ । उनीहरूलाई त्यहाँ पस्न नदिन महानगरका प्रहरी तैनाथ गरिएको हो ।
मिटरव्याजपीडितहरू हेटौंडा हुँदै बन्दोबस्तीका सामानसहित १२ दिनको पैदल हिँडेर राजधानी आइपुगेका छन् ।
करिब एक सय हाराहारीको समूहमा रहेकाहरू आफ्नो माग पूरा नभएसम्म काठमाडौंबाट नफर्कने अडानमा छन् ।
पीडितलाई न्याय दे, मिटरब्याजीको अवैध सम्पत्ति छानबिन गरजस्ता नारा लेखिएको प्लेकार्ड बोकेका पीडितले प्रधानमन्त्रीसँग प्रत्यक्ष भेटेर माग राख्ने इच्छा राखेका छन् ।
मिटरब्याजी पिडितहरूले ८ गुनासम्म बढाएर मिटरब्याजीले रकम लिएको, घरबारविहीन बनाएको गुनासो गरेका छन् ।
नेपाल प्रेस
प्रकाशित: २०७९ चैत १३ गते १६:३०
प्रतिक्रिया
सम्बन्धित खवर
