नक्कली भुटानी शरणार्थी बनाएर अमेरिका पठाउन खोज्ने गिरोहमा गृहका अधिकारी रहेको आशंका – Nepal Press

नक्कली भुटानी शरणार्थी बनाएर अमेरिका पठाउन खोज्ने गिरोहमा गृहका अधिकारी रहेको आशंका

काठमाडौं । नेपालीलाई भुटानी शरणार्थी बनाएर अमेरिका पठाउन खोज्ने गिरोहमा गृहमन्त्रालयका अधिकारी पनि संलग्न रहेको आशंका प्रहरीले गरेको छ ।

८१ जनाको जाहेरीपछि पक्राउ परेका ३ जनामाथि अनुसन्धान गर्ने क्रममा काठमाडौं उपत्यका अनुसन्धान कार्यालयले गृहका तत्कालीन अधिकारी र शरणार्थी समस्या समाधानसम्बन्धी कार्यदलका पदाधिकारीमाथि सुक्ष्म अनुसन्धान थालेको हो ।

पीडितहरूको नाममा गृहमन्त्रालयको लोगोसमेत प्रयोग गरेर शरणार्थी परिचय पत्र तथा ट्राभल डकुमेन्ट बनेकाले प्रहरीले अनुसन्धान भइरहेको जनाएको छ । काठमाडौं उपत्यका अनुसन्धान कार्यालयका प्रमुख मनोज केसीले गिरोहले पीडितहरूबाट जनही २० देखि ५० लाख रूपैयाँसम्म उठाएको पाइएको बताए ।

‘विभिन्न व्यक्तिको खातामा पैसा जम्मा गर्न लगाएको देखिन्छ । पीडितहरूको ६५ लाख रूपैयाँभन्दा बढी रकम अन्य व्यक्तीको खातामा जम्मा भएको पाइएको छ’, एसएसपी केसीले भने ।

पक्राउ परेकामध्ये केशव दुलाल पूर्वउपप्रधान तथा परराष्ट्रमन्त्री सुजाता कोइरालाका पूर्वपीए हुन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर