वसन्तबहादुर कुँवरले लगाए आईजीपीको फुली (भिडिओ)
नेपाल प्रेस
२०७९ चैत १२ गते ११:२८
काठमाडौं । सरकारले नवनियुक्त महानिरीक्षक (आईजीपी) वसन्तबहादुर कुँवरलाई दर्ज्यानी चिन्ह प्रदान गरेको छ ।
गृहमन्त्रालयमा आयोजित एक समारोहबीच गृहसचिव विनोदप्रकाश सिंहले दर्ज्यानी चिन्ह प्रदान गरेका हुन् ।
शुक्रबार बसेको मन्त्रिपरिषद् बैठकले कुँवरलाई आईजीपी नियुक्त गर्ने निर्णय गरेको थियो ।
चैत १० गतेदेखि २९ औँ आईजीपी धिरजप्रताप सिंहले अनिवार्य अवकाश पाएपछि नयाँ आईजीपी नियुक्त भएका हुन् । कुँवरले आईजीपी नियुक्त हुनु २ दिनअघि मात्रै चैत ८ गते तत्कालीन प्रहरी महानिरीक्षक सिंहबाट प्रहरी अतिरिक्त महानिरीक्षक (एआईजीपी) को दर्ज्यानी चिन्ह लगाएका थिए ।
कुँवरसँगै एआईजीपी टेकप्रसाद राई, दिपक थापा, श्यामलाल ज्ञवाली र किरण बज्राचार्यले पनि चैत ८ गते नै एआईजीपीको दर्ज्यानी चिन्ह लगाएका थिए । प्रहरी महानिरीक्षको प्रतिस्पर्धामा उनीहरू ४ जना पनि थिए ।
नेपाल प्रेस
प्रकाशित: २०७९ चैत १२ गते ११:२८
प्रतिक्रिया
सम्बन्धित खवर
