लम्की बहुमुखी क्याम्पसमा अनेरास्ववियु विजयी, तीनै पदाधिकारी महिला

कैलाली । कैलालीको लम्की चुहा नगरपालिकामा रहेको लम्की बहुमुखी क्याम्पसमा अनेरास्ववियुकी कल्पना तिमिल्सिना विजयी भएकी छन् ।

तिमिल्सिनाले १६२ मत ल्याएर विजयी हुँदा नेवि संघका भाबेस उपाध्यायले १०८ मत प्राप्त गरे । सचिवमा पनि अनेरास्ववियू क्रान्तिकारीकी पूजा विष्ट २४९ मत गरि विजयी भइन् । कोषाध्यक्षमा नेकपा एस निकट विद्यार्थी सङ्गठन अनेरास्ववियुकी नियुसा खनाल २९९ मत सहित विजयी भइन् ।

सदस्यमा मनीषा भुल,प्रदीप प्रसाद न्यौपाने ,प्रकाश धमला,टीका बिसी र सुनिल नेपाली विजयी भएका छन् ।

सदस्यमा विमला बोहरा र सुनिल नेपालीको बराबरी मत आउँदा चिट्ठा मार्फत सुनिल नेपाली विजयी भएका थिए ।