मधेसका मुख्यमन्त्री यादवको प्रेस सल्लाहकारमा अग्रहरी नियुक्त

जनकपुरधाम । मधेसका मुख्यमन्त्री सरोज कुमार यादवले अनुभवी पत्रकार सीताराम अग्रहरीलाई प्रेस सल्लाहकारमा नियुक्त गरेका छन् ।

मुख्यमन्त्री यादवले आज अग्रहरीलाई नियुक्ति पत्र प्रदान गरेका हुन् । नवनियुक्त प्रेस सल्लाहकार अग्रहरी सरकारी पत्रिका गोरखापत्र दैनिकमा प्रधान सम्पादकको रूपमा लामो समय काम गरिसकेका छन् ।

कोशी प्रदेशको सुनसरी ईनर्वा स्थायी बासिन्दा अग्रहरी काठमाडौंमा बस्दै आएका थिए । जसपा अध्यक्ष उपेन्द्र यादवसंज नजिकको पात्र भएकै कारण उनलाई मुख्यमन्त्री यादवले प्रेस सल्लाहकार नियुक्त गरेको स्रोतले जनाएको छ ।