मिथिला परिक्रमाका यात्रीहरू आज कंचनवनमा होली खेल्दै ! – Nepal Press

मिथिला परिक्रमाका यात्रीहरू आज कंचनवनमा होली खेल्दै !

जनकपुरधाम । महोत्तरीको भंगहा नगरपालिका ९ स्थित कञ्चनवनमा आज १५ दिने मिथिला माध्यमिकी परिक्रमा यात्रीहरुले आपसमा होली खेल्ने भएका छन् ।

धनुषाको कचरीबाट सुरु भएको मिथिला परिक्रमा यात्रीहरू आज कंचनवन पुगेका हुन् । त्यहाँ बृहत्तर जनकपुर क्षेत्र विकाश परिषद् र भंगहा नगरपालिकाले हरेक वर्ष जस्तै होली महोत्सवको आयोजना गरेका छन् ।

आज दिउँसो परिक्रमामा सहभागी साधु सन्त, महन्थ र श्रद्धालुहरू आपसमा रंग अविर खेलेर होलीको शुभारम्भ गर्ने भंगहा नगरपालिकाका मेयर संजीव साहले जानकारी दिए । उनका अनुसार त्रेतायुगमा भगवान राम र माता सीता कञ्चनवनमा होली खेलेको जनविश्वास छ । सोही विश्वासका आधारमा परिक्रमा यात्रीहरू रंग अविर खेल्ने गर्छन् ।

पैदल खाली खुट्टा हिड्नुपर्ने यो यात्रामा हजारौँ साधु सन्त, श्रद्धालु भक्तजन सहभागी छन् । उनीहरू भगवान राम र सीताको डोलाका साथसाथ नेपालको १ सय ७ र भारतको २६ गरी १ सय ३३ किलोमिटर यात्रा गर्छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर