ओलीको जन्मदिन पारेर ‘विश्वशान्ति प्रार्थना’ पुस्तक विमोचन

काठमाडौं । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीको ७२औं जन्मदिनको अवसर पारेर बिहीबार  ‘विश्वशान्ति प्रार्थना’ पुस्तक विमोचन गरिएको छ ।

बालकोटस्थित निजी निवासमा आयोजना गरिएको विशेष कार्यक्रममा उक्त पुस्तक विमोचन गरिएको हो । ओलीले सम्बोधनको क्रममा कार्यक्रममा नेपाली जनतामा परस्परमा लड्ने, लडाउने कुरालाई स्वीकार गर्न नसकिने बताएका छन् ।

ओलीका बुबा मोहनप्रसाद, धर्मपत्नी राधिका शाक्य, काठमाडौं महानगरकी उपप्रमुख सुनीता डंगोल तथा एमालेका केही नेता कार्यक्रममा उपस्थित थिए ।

कार्यक्रममा बौद्ध भिक्षुहरूले विश्वशान्तिको कामना गर्दै प्रार्थना गरे । नेपाल अफ्रो एसियाली जनएकता संगठनले यो कार्यक्रम आयोजना गरेको हो । ओलीपत्नी राधिकाले आगन्तुकहरूलाई खादा तथा खानेकुरा वितरण गरेकी थिइन् ।

तस्बिरहरू : उमेश कार्की ।