नयाँ नागरिकता लिन जिप्रका पुगे रवि (भिडिओ) – Nepal Press

नयाँ नागरिकता लिन जिप्रका पुगे रवि (भिडिओ)

काठमाडौं । सर्वोच्च अदालतले नागरिकतामा दोषी ठहर गरेपछि मन्त्री र सांसद पद गुमाएका रवि लामिछाने नयाँ नागरिकता लिन जिल्ला प्रशासन कार्यालय काठमाडौं पुगेका छन् । सर्वोच्च अदालतले शुक्रबार रविले कानूनबमोजिम नेपालको नागरिकता पुनः प्राप्त नगरेको ठहर सुनाएको थियो ।

अमेरिकी नागरिकता त्यागेपछि नेपालको नागरिकता पुनः प्राप्ति नगरी खारेज भइसकेको नागरिकता प्रयोग गरेको भन्दै अदालतले रविले नेपाली नागरिकका रूपमा गरेका सबै कार्य अवैध हुने भनेको थियो ।

लामिछानेले अमेरिकाको नागरिकताको प्रमाणपत्र त्यागिसकेका र त्यसको निस्सा पाइसकेकाले उक्त निस्सा जिल्ला प्रशासन कार्यालय काठमाडौंमा बुझाउनेवित्तिकै उनको पुन: नागरिकता प्राप्तिको प्रक्रिया अघि बढ्नेछ ।

रवि आउनुअगावै काठमाडौं प्रशासन परिसरमा रविका कार्यकर्ता र सञ्चारकर्मीको बाक्लो उपस्थिति थियो । प्रहरीको समेत बाक्लो उपस्थिति छ ।

लामिछाने प्रतिनिधिसभाको उम्मेदवार हुन अयोग्य रहेको भनेर निर्वाचन आयोगमा समेत उजुरी परेकोमा आयोगले कुनै निर्णय गरेको थिएन । उनले दोब्बर मतान्तरमा चुनाव जितेका थिए ।

पुन: नेपाली नागरिकता लिएर रवि फेरि उपचुनाव लड्ने चर्चा बढेको छ ।


प्रतिक्रिया

One thought on “नयाँ नागरिकता लिन जिप्रका पुगे रवि (भिडिओ)

  1. हेडबाट एकै निमेखमा फेदमा पुगेका निवर्तमान गृहमन्त्री आईन्दा सोच विचार गरेर अगाडि बढ्ला जस्तो देखिन्छ, उपचुनावमा गठवन्धनको एकल उम्मेद्वार हुनेयोग छ, धैर्य गरोस् । चेतना भया ।

Leave a Reply to Laleek Cancel reply

Your email address will not be published. Required fields are marked *

सम्बन्धित खवर