इजरायली सेनाको हमलामा १० प्यलेस्टाइनीको मृत्यु
नेपाल प्रेस
२०७९ माघ १५ गते ८:१२
जेरुसेलम । वेस्ट बैंकमा इजरायली सेनाले १० प्यालेस्टाइनीको हत्या गरेका उक्त क्षेत्रका अधिकारीहरूले बताएका छन् ।
उत्तरी सहर जेनिनको भीडभाड शरणार्थी शिविरमा छापा मार्ने क्रममा वेस्ट बैंकमा विस्फोट र आक्रमणमा उनीहरूको मृत्यु भएको हो । विस्फोटपछि सडकहरूमा बन्दुकको गोली चलेको आवाज सुनिएको थियो ।
९ जनाको मृत्यु आतंकवादविरोधी अभियानका रूपमा गरिएको कारबाहीमा भएको इजरायली सेनाले जनाएको छ ।
यसैबीच, पूर्वी जेरुसेलममा प्रार्थनासभामा भेला भएका व्यक्तिमाथि एक प्यालेस्टाइनी बन्दुकधारीले आक्रमण गर्दा सात जना मारिएका छन् भने तीन जना घाइते भएका छन् ।
नेभ याकोभस्थित प्रार्थनास्थलमा भएको हमलामा ७ जना मारिएका प्रहरीले जनाएको छ । प्रहरीले सो आक्रमणलाई आतंकवादी भनेको छ ।
नेपाल प्रेस
प्रकाशित: २०७९ माघ १५ गते ८:१२
प्रतिक्रिया
सम्बन्धित खवर
