मुख्यमन्त्री निवासबाट बिदा भए राजेन्द्र राई
नेपाल प्रेस
२०७९ पुष २८ गते १६:१६
विराटनगर । प्रदेश १ का पूर्वमुख्यमन्त्री राजेन्द्रकुमार राईले सरकारी निवास छाडेका छन् ।
१४ महिना ९ दिन मुख्यमन्त्रीको जिम्मेवारी सम्हालेका राई एमालेका हिक्मत कार्की मुख्यमन्त्री भएको चौथो दिनमा बिदा भएका हुन् । राई २०७८ कात्तिक १६ गते मुख्यमन्त्री नियुक्त भएका थिए ।
उनले सरकारी सेवा सुविधा मुख्यमन्त्रीबाट बिदा भएको क्षणबाटै लिन छाडेको पनि सामाजिक सञ्जालमार्फत जानकारी गराएका छन् ।
नागरिकलाई सूचित गराउन जरुरी ठानेको भन्दै उनले फेसबुकमा लेखेका छन्, ‘विगतमा आफू मुख्यमन्त्री हुँदा लामो समय निवास खाली नहुँदा केही असुविधा भोग्नुपरेको कटु अनुभव हुँदाहुँदै पनि निवास छाड्न दुई दिन ढिला भएकोमा क्षमा चाहन्छु ।’
नेपाल प्रेस
प्रकाशित: २०७९ पुष २८ गते १६:१६
प्रतिक्रिया
सम्बन्धित खवर
