१० वर्षपछि मूलघर फर्किएका हेमराज एमालेबाट बने सांसद
नेपाल प्रेस
२०७९ मंसिर २५ गते ११:१५
काठमाडौं । १० वर्षपछि मूलघर फर्किएका हेमराज राई नेकपा एमालेबाट प्रतिनिधिसभामा समानुपातिक सांसदमा परेका छन् । जसपाका तत्कालीन उपाध्यक्ष राई गत भदौ १ गते १२२ जना नेता-कार्यकर्तासहित एमाले प्रवेश गरेका थिए ।
एमालेले आदिवासी जनजाति पुरुषतर्फबाट हेमराजलाई सांसद बनाएको हो ।
२०६९ मा तत्कालीन उपाध्यक्ष अशोक राईसँगै हेमराजले एमाले परित्याग गरेका थिए ।
भोजपुर टेम्केमैयुङका राई पूर्वउद्योगमन्त्रीसमेत हुन् । उनले २०४८ र २०५१ को संसदीय चुनावमा भोजपुर क्षेत्र नम्बर १ बाट एमालेबाटै चुनाव जितेका थिए ।
नेपाल प्रेस
प्रकाशित: २०७९ मंसिर २५ गते ११:१५
प्रतिक्रिया
सम्बन्धित खवर
