पेनाल्टीमा गोल गर्दै मेस्सीले बनाए अर्जेन्टिनाको अग्रता दोब्बर

काठमाडौं– कतारमा जारी विश्वकप फुटबलमा अहिले भइरहेको क्वार्टरफाइनलमा अर्जेन्टिनाले नेदरल्यान्ड्सविरुद्ध २–० गोलको अग्रता लिएको छ। पेनाल्टीमा गोल गर्दै मेस्सीले अग्रता दोब्बर बनाए।

उनले ७३ औँ मिनेटमा पेनाल्टीमा गोल गरेका हुन्। त्यसअघि ३५ औं मिनेटमा मेस्सीको असिस्टमा अर्जेन्टिनाले सुरुवाती अग्रता लिएको थियो। । ३५ आंैं मिनेटमा लियोनल मेस्सीको पासमा मोलिनाले गोल गर्दै अर्जेन्टिनालाई १–० गोलको अग्रता दिलाएका हुन्।

मोलिनाको यो पहिलो अन्तर्राष्ट्रिय गोल हो। उत्कृष्ट ड्रिबलिङ गर्दै अगाडि बढाएका मेस्सीले नेदरल्यान्ड्सको अफसाइड ट्रयाप बिट गरेका मोलिनालाई वन भर्सेस वन अवस्थामा पास उपलब्ध गराएका थिए। जारी प्रतियोगितामा मेस्सीको गोल संख्या ४ पुगेको छ।

उनी विश्वकपमा सर्वाधिक गोल गर्ने अर्जेन्टिनी खेलाडीका रुपमा गाब्रियल बासिस्टुटाको १० गोलको कीर्तिमान पनि बराबरी गर्न सफल भए।