विश्वकप: स्विट्जरल्यान्डविरुद्ध बेन्चमा राेनाल्डाे

काठमाडौं । कतारमा जारी फिफा विश्वकप २०२२ अन्तिम १६ अन्तर्गत स्विट्जरल्यान्डविरुद्धको खेलमा कप्तान क्रिस्टियानाे राेनाल्डाे सुरुआती ११ मा पर्न असफल भएका छन् ।

लुसेल रंगशालामा केहिबेरमा सुरुहुने खेलका लागि पोर्चुगलका मुख्य प्रशिक्षक फर्नान्डो स्यान्तोसले रोनाल्डोलाई सब्सिट्युटमा राख्दै सुरुआती ११ सार्वजानिक गरेका हुन् ।

समूह चरण अन्तर्गत दक्षिण कोरियाविरुद्धको खेलमा सब्सिट्युट गर्दा असन्तुष्ट देखिएका रोनाल्डोलाई प्लेइङ सेटमा राख्ने नराख्ने विषयमा स्यान्तोसले खुलेर प्रतिक्रिया दिएका थिएनन् । त्यसैले उनी रोनाल्टोको व्यवहारपति रुष्ट रहेको बताएका थिए ।

पोर्चुगलको सुरुआती ११ः
डिएगो कोस्टा, डिएगाृ डालोट, पेपे, रुबिन डाइस, राफायल ग्युरेरो, ओटाभियो, विलियम कार्भालो, बर्नान्डो सिल्भा, ब्रुनो फर्नान्डेज, गोनकालो रामोस र जाओ फ्लेक्स