एक हजारसम्म रिचार्ज गर्दा टेलिकमको डाटा बोनस
नेपाल प्रेस
२०७९ मंसिर २० गते १४:०८
काठमाडौं । नेपाल टेलिकमले एक हजार रूपैयाँसम्म रिचार्ज गर्दा प्रत्येक रिचार्जमा बोनस डाटा दिने भएको छ । टेलिकमले रिचार्ज कार्ड प्रयोग गरी मोबाइल रिचार्ज गरे वापत ग्राहकहरूलाई बोनस डाटा दिने भएको हो ।
यो योजना यही मंसिर २० गते देखि पुस १९ गते सम्म लागू हुनेछ । सो अवधिमा ग्राहकले दुई सय, पाँच सय र एक हजार रुपैयाँको रिचार्ज गर्दा बोनस डाटा पाउनेछन् ।
टेलिकमले २ सय रूपैयाँको रिचार्ज गर्दा १ दिन मान्य हुने १ जीबी डाटा, ५ सय रूपैयाँको रिचार्ज गर्दा ४ दिन मान्य हुने ४ जीबी डाटा र १ हजारको रिचार्ज गर्दा १० दिनसम्म मान्य हुने १० जीबी डाटा दिनेछ ।
नेपाल प्रेस
प्रकाशित: २०७९ मंसिर २० गते १४:०८
प्रतिक्रिया
सम्बन्धित खवर
