नेदरल्यान्ड्स, अर्जेन्टिना, ब्राजिल र क्रोएसियामध्ये काे पुग्ला फाइनल ?

दोहा। कतारमा जारी विश्वकप फुटबलमा नेदरल्यान्ड्स, अर्जेन्टिना, ब्राजिल र क्रोएसियामध्ये एक टोली फाइनल पुग्ने भएको छ ।

प्रतियोगिताअन्तर्गत यी चार राष्ट्रकाे समूहतर्फको क्वाटरफाइनलमा नेदरल्यान्ड्सले अर्जेन्टिना र ब्राजिलले क्रोएसियासँग खेल्नेछ । यी दुई क्वाटरफाइनलका विजेता सेमिफाइनलमा आमनेसामने हुनेछन् ।

यसको मतलब यी चार टोलीमध्ये दुई टोली क्वाटरफाइनल र एक टोली सेमिफाइनलमा रोकिनेछन् ।

अर्काे समूहकाे क्वाटरफाइनलमा फ्रान्स र इङ्ल्यान्डबीच प्रतिस्पर्धा हुनेछ । मोरक्को र स्पेनबीच हुने खेलको विजेताले पोर्चुगल र स्वीट्जरल्यान्डबीच हुने खेलको विजेतासँग अर्को क्वाटरफाइनल खेल्नेछ ।

यी दुई क्वाटरफाइनलका विजेता सेमिफाइनलमा आमनेसामने हुनेछन् । सेमिफाइनलका विजेता राष्ट्रले अर्काे समूहकाे विजेतासँग फाइनलमा उपाधि भिडन्त गर्नेछ ।