इलाम १ को नतिजा अस्वीकार गर्दै माधवले भने- पुनः मतदानको मागसहित कानूनी बाटोमा जान्छौं (भिडिओ) – Nepal Press

इलाम १ को नतिजा अस्वीकार गर्दै माधवले भने- पुनः मतदानको मागसहित कानूनी बाटोमा जान्छौं (भिडिओ)

उनले भने- तत्काल वामपन्थी सरकार बन्ने सम्भावना देखेको छैन

काठमाडौं । नेकपा एकीकृत समाजवादीका अध्यक्ष माधव नेपाल राष्ट्रिय राजनीतिको विषयमा पनि आफूहरूले गम्भीर छलफल गरेको बताएका छन्।

आज बसेको सचिवालय बैठकपछि उनले सञ्चारकर्मीसँग कुरा गर्दै उनले भने, ‘हामीले निर्वाचनको बारेमा समीक्षा गर्‍यौँ । खास गरी इलाम र उदयपुरको बारेमा छलफल गरेका छौँ । इलाममा अनेकौँ खालका विसङ्गतिहरू देखिएका छन् । हामीले इलामको बारेमा पुन मतदानको लागि कानुनी बाटोमा जानेबारेमा छलफल गरेका छौँ।’

इलाम १ बाट नेकपा एसका सम्मानित नेता झलनाथ खनाल एमालेका महेश बस्नेतसँग पराजित भएका थिए। उनले आफूलाई धाँधली गराएर हराएको भन्दै कानुनी उपचारको बाटोमा जाने बताउँदै आइरहेका छन्।

यस्तै, देश अझै दक्षिणपन्थी बाटोमा जान सक्ने भएकाले सतर्क हुनुपर्नेबारे गठबन्धन दलमा छलफल गरेको अध्यक्ष नेपालले बताए।

सरकारको नेतृत्वबारे अहिलेसम्म कुनै छलफल नभएको समेत बताए। उनले वाम गठबन्धनको सरकार बन्ने कुनै सम्भावना नदेखेको प्रष्ट पारे।


प्रतिक्रिया

One thought on “इलाम १ को नतिजा अस्वीकार गर्दै माधवले भने- पुनः मतदानको मागसहित कानूनी बाटोमा जान्छौं (भिडिओ)

  1. अब यिनीहरू बौलाउन मात्र बाकी छ ३ % नपुगे झनै बौलाउने मात्र होइन नाङ्गै हिड्ने छन् ।

Leave a Reply

Your email address will not be published. Required fields are marked *

सम्बन्धित खवर