प्रदेश समानुपातिकतर्फ मधेसबाहेक सबैमा एमाले अगाडि, तेस्रोकै लागि माओवादीको प्रतिस्पर्धा

काठमाडौं । प्रतिनिधि तथा प्रदेशसभा निर्वाचनको समानुपातिकतर्फको मतगणना जारी छ । पछिल्लो मत परिणामअनुसार मधेस प्रदेशबाहेक सबैमा एमालेले लिड गरिरहेको छ ।

प्रदेश १ मा १४ लाख २० हजार १०२ मत गन्दा एमालेले ४ लाख ८९ हजार ८९४ मत ल्याएर अग्रता कायमै राखेको छ । नेपाली कांग्रेस ४ लाख १८ हजार ३७२, राष्ट्रिय प्रजातन्त्र पार्टी १ लाख ४८ हजार ७५९, माओवादी केन्द्र १ लाख ४४ हजार १८७, जसपाले ४९ हजार ४१२ र नेकपा एसले ४४ हजार ६७४ मत ल्याएको छ ।

तर, मधेस प्रदेशमा अहिलेसम्म १३ लाख ७५ हजार ३५६ मत गणना सकिएको छ । यहाँ कांग्रेसले २ लाख ८७ हजार ५१६ मत ल्याएर लिड राखिराखेको छ ।

एमालेले २ लाख ४५ हजार ५१०, जसपाले १ लाख ९३ हजार ५२३, जनमत पार्टीले १ लाख ७२ हजार ३१७, माओवादीले १ लाख १२ हजार ३८१, नेकपा एसले ८३ हजार ८५३, लोसपा ६७ हजार ८२३, राप्रपाले ४८ हजार ८०८ र नागरिक उन्मुक्ति पार्टीले ३८ हजार ६४२ मत ल्याएको छ ।

बागमतीमा अहिलेसम्म १३ लाख १८ हजार ९७० मतगणना भइसकेको छ । एमालेले ३ लाख ८६ हजार २७३, कांग्रेसले ३ लाख ३५ हजार ६५०, राप्रपाको १ लाख ९५ हजार १०८ ल्याएको छ ।

यस्तै माओवादीले १ लाख ९३ हजार २०१, नेमकिपाले ६१ हजार २४५, नेकपा एसले ३८ हजार ३५७ मत ल्याएको छ ।

गण्डकीमा ९ लाख १८ हजार ८४० मत गणना सकिएको छ । यहाँ पनि एमालेले ३ लाख ४० हजार ५३३ मत ल्याएर लिड गरेको छ ।

अहिलेसम्म कांग्रेसले ३ लाख १७ हजार ५९६, माओवादीले १ लाख १५ हजार ३६६, राप्रपाले ५७ हजार ११६, हाम्रो नेपाली पार्टीले १८ हजार ४७१, राष्ट्रिय जनमोर्चाले १४ हजार ७९३ र नेकपा एसले १४ हजार ६९७ मत ल्याएको छ ।

लुम्बिनीमा अहिलेसम्म १६ लाख ४२ हजार २३५ मत गन्दा एमालेले ५ लाख २ हजार ३२५ ल्याएर अग्रता कामयै गरेको छ । यहाँ कांग्रेसले ४ लाख ४१ हजार ६५९ र माओवादीले १ लाख ७४ हजार ५९० मत ल्याएको छ ।

राप्रपाले १ लाख १३ हजार ४१९, नागरिक उन्मुक्ति पार्टीले ८९ हजार ८०९, जनमत पार्टीले ६१ हजार ९६७, जसपाले ५८ हजार ५५९, नेकपा एसले ४० हजार १८७ र लोसपाले ३५ हजार ६७४ मत ल्याएका छन् ।

यस्तै कर्णालीमा ५ लाख ७७ हजार ८२९ मत गणना गर्दा एमालेले १ लाख ८३ हजार ९५० मत ल्याएर अग्रता लिएको छ । कांग्रेसले १ लाख ७० हजार ७५६, माओवादीले १ लाख ३७ हजार ६२९ र नेकपा एसले ३५ हजार ८२६ मत पाएको छ ।

सूदूरपश्चिम प्रदेशमा पनि ७ लाख ४६ हजार ३६६ मत ल्याएर एमालेले लिड गरेको छ । यहाँ एमालेले २ लाख ४० हजार ४८२, कांग्रेसले २ लाख २६ हजार ३६९, माओवादीले १ लाख ८ हजार २९६, नागरिक उन्मुक्ति पार्टीले ६० हजार ३६, नेकपा एसले ३९ हजार ७७९ र राप्रपाले ३२ हजार ३४४ मत ल्याएको छ ।