जनकपुरधाममा दीपावलीको रौनक (तस्वीरहरुसहित)

जनकपुरधाम । जनकपुरधाममा हिन्दूहरुको दोस्रो ठूलो पर्व दीपावली तथा तिहारको रौनक छाएको छ । बजारभर जताततै किनमेल गर्ने उपभोक्ताहरुको घुइँचो छ ।

जुन घरमा दीपावली गरिन्छ, त्यहाँ लक्ष्मीले सदा बास गर्ने धार्मिक जनविश्वास छ । सोही आधारमा हरेक परिवारले धनकी देवी लक्ष्मीको पूजा गरेर दीपावली मनाउँछन् ।

दीपावली मनाउन विशेषगरी पूजा सामग्री र लत्ताकपडाको खरिद बिक्री अत्यधिक हुने गर्छ । अहिले बजारमा फूलमाला, पूजा सामग्री, इलेक्ट्रिक बल्व र लत्ताकपडा किन्नेहरुको घुइँचो छ ।

जनकपुरको चोक–चोकमा भगवानको मूर्ति र आकर्षक माला बेच्न राखिएका छन् । जसले बजारको शोभा नै बढाएको छ । दीपावली मनाउन हरेक पसल तथा घर सजाउन सर्वसाधारण व्यस्त छन् ।