नेकपा एसका बाजुरा जिल्ला अध्यक्ष रावल एमालेमा प्रवेश
नेपाल प्रेस
२०७९ असोज २८ गते १६:१०
धनगढी । नेकपा एकीकृत समाजवादीका बाजुरा जिल्ला अध्यक्ष गगन रावलसहित जिल्ला कमिटीका सदस्यहरु एमालेमा फर्किएका छन् । चुनावी अभियान सुरु हुने क्रममा शुक्रबार उनीहरु बाजुरामा आयोजित एक कार्यक्रममा एमाले प्रवेश गरेका हुन् ।
एमाले स्थायी कमिटी सदस्य तथा प्रतिनिधि सभाका उम्मेदवार कर्णवहादुर थापा लगायतका नेताहरुले उनीहरुलाई पार्टीमा स्वागत गरेका छन् । बाजुरामा एमालेबाट प्रतिनिधि सभामा थापा र प्रदेशमा लालवहादुर थापा तथा बलदेव रेगमी उम्मेदवार छन् ।
बाजुरामा प्रतिनिधि सभा र प्रदेशसभा सबैतिर कांग्रेसले उम्मेदवारी दिएपछि नेकपा एसको जिल्ला कमिटी एमालेतिर लागेको हो ।
नेपाल प्रेस
प्रकाशित: २०७९ असोज २८ गते १६:१०
प्रतिक्रिया
सम्बन्धित खवर
