अवैधरूपमा विदेशी मुद्रा भित्र्याउने तीनजनाविरुद्ध मुद्दा दायर – Nepal Press

अवैधरूपमा विदेशी मुद्रा भित्र्याउने तीनजनाविरुद्ध मुद्दा दायर

काठमाडौं । राजस्व अनुसन्धान विभागले अवैध रुपमा विदेशी मुद्रा ल्याएको भन्दै तीनजनाविरुद्ध मुद्दा दायर गरेको छ । विभागले विभिन्न देशबाट अवैधरुपमा विदेशी मुद्रा ल्याएको आरोपमा विभिन्न अदालतमा तीन जनाविरुद्ध मुद्दा दायर गरेको जनाएको छ । विभागका अनुसार भारतिय नागरिक घनश्याम भाई पटेल, नवलपरासीका आन्दन प्रसाद कलवार, बेल्जियम बस्ने गैरआवासीय नागरिक सत्तमान पुनविरुद्ध विदेशी मुद्रा अपचलनको मुद्दा दायर भएको हो ।

अमेरिकी डलर तीन हजार ६ सय पाउण्ड स्ट्रलिङ, दुई हजार १३० युरो, चार हजार चार सय ६५ युएई दिराम, ४ हजार ६५० केन्या सिलिङ्स अवैध मुद्रा ल्याउँदै गरेको अवस्थामा घनश्याम भाई पक्राउ परेका थिए । उनीविरुद्ध ६ लाख ३५ हजार ४ सय रुपैयाँ जरिवानासहित बरामद भएको सम्पूर्ण मुद्रा जफत गरी कारवाही मागसहित मुद्दा दायर गरिएको छ ।

त्यस्तै, आनन्द प्रसादले भन्सार सो घोषणा गरेको रकम भन्दा बढी अमेरिकी डलर बोकेको आरोपमा विदेशी विनिमय अपचलन गरेको आरोपमा धादिङ जिल्ला अदालतमा मुद्दा दायर गरिएको विभागले जनाएको छ ।

यता, सत्तमान पुनले तोकिएको भन्दा बढी विदेशी मुद्रा ८ हजार २३० युरो बोकेको आरोपमा मुद्दा दायर गरिएको छ । पुनलाई ४ लाख ३१ हजार ८९३ रुपैयाँ विगो कायम गरि जिल्ला अदालत काठमाडौंमा मुद्दा दायर गरिएको जानकारी राजस्व अनुसनधनले विज्ञप्ति जारी गरेर दिएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर