चिनियाँ जन कंग्रेसका स्थायी समिति अध्यक्ष ली झान्सु आज नेपाल आउँदै – Nepal Press

चिनियाँ जन कंग्रेसका स्थायी समिति अध्यक्ष ली झान्सु आज नेपाल आउँदै

काठमाडौं ।चीनका सभामुख तथा राष्ट्रिय जनकङ्ग्रेस स्थायी समिति अध्यक्ष ली चान्सु नेपालको औपचारिक भ्रमणका लागि आज काठमाडौं आउँदैछन्। प्रतिनिधि सभाका सभामुख अग्निप्रसाद सापकोटाको औपचारिक निमन्त्रणमा ली चार दिने नेपाल भ्रमणको सिलसिलामा नेपाल आउन लागेका हुन् ।

परराष्ट्र मन्त्रालयका अनुसार आज सोमबार सभामुख सापकोटा र चिनियाँ कंग्रेसका स्थायी समिति अध्यक्ष लीबीच प्रतिनिधिमण्डल स्तरीय द्विपक्षीय वार्ता हुनेछ । सोही दिन सभामुख सापकोटाले लीको सम्मानमा रात्रीभोजको आयोजना गर्नेछन् ।

नेपाल भ्रमणका बेला लीले राष्ट्रपति विद्यादेवी भण्डारीसँग भदौ २९ गते र प्रधानमन्त्री शेरबहादुर देउवासँग भदौ ३० गते शिष्टाचार भेट गर्ने कार्यक्रम रहेको परराष्ट्रले जनाएको छ ।

भदौ ३० गते नै लीले राष्ट्रिय सभाका अध्यक्ष गणेशप्रसाद तिमिल्सिना र परराष्ट्रमन्त्री डा। नारायण खड्कासँग शिष्टाचार भेटवार्ता गर्नेछन् ।

नेपालमा रहँदा लीले नेकपा एमालेका अध्यक्ष केपी शर्मा ओली र नेकपा (माओवादी केन्द्र०का अध्यक्ष पुष्पकमल दाहाल ‘प्रचण्ड’सँग पनि भेटवार्ता गर्ने कार्यक्रम रहेको परराष्ट्रले जनाएको छ । ली नेपाल भ्रमण सम्पन्न गरी भदौ ३० गते स्वदेश फर्कने छन् ।

संयोग हो वा नियोजित रुपमा सरकारले शोक मनाइरहेका बेला चीनका सभामुख (राष्ट्रिय जनकंग्रेसका अध्यक्ष० ली झान्सु आजै नै काठमाडौं आउँदैछन् । सरकारले एलिजाबेथको शोक मनाउने निर्णय गर्नुभन्दा एक साताअघि नै उनको भ्रमणको कार्यक्रम टुंगो लागेको हो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर