‘वेकरिज द केक सप’को आउटलेट शंखमुलमा, काठमाडौंका ५० ठाउँमा फ्रेन्चाइज विस्तार गर्ने – Nepal Press

‘वेकरिज द केक सप’को आउटलेट शंखमुलमा, काठमाडौंका ५० ठाउँमा फ्रेन्चाइज विस्तार गर्ने

काठमाडौं । झापाको बिर्तामोडबाट शुरु भएको ‘वेकरिज द केक सप’ को उद्योग र आउटलेट काठमाडौंमा पनि खुलेको छ । नेपालमै उत्कृष्ट केक उत्पादन तथा वितरण गर्दै आएको सो आउटलेटबाट उपत्यकाभित्र होम डेलिभरीका लागि अनलाइन सेवा समेत उपलब्ध हुने भएको छ ।

युवा उद्यमीहरुको लगानीमा काठमाडौंमा खुलेको उक्त उद्योग र आउटलेटमा ५० लाखको हाराहारीमा लगानी गरिएको छ । विर्तामोडका युवा व्यवसायीद्वय दिपेन्द्र राउत र सञ्जय महासेठले सञ्चालनमा ल्याएको वेकरिज द केक सपको उद्घाटन काठमाडौंको शंखमुलमा गायक प्रमोद खरेलले गरे ।

‘फ्रेन्चाइज’ अवधारणामा सञ्चालनमा ल्याइने ‘वेकरिज द केक सप’ को यो पहिलो आउटलेट हो । आउटलेटसँगै स्थापना गरिएको उद्योगमा उत्पादित सामाग्रीहरु अन्य आउटलेटमा उपलब्ध गराउने सञ्चालक दिपेन्द्र राउतले जानकारी दिए ।

हाल काठमाडौं उपत्यकाका मूख्य चहलपहल भएका विभिन्न स्थानमा खोलिने आउटलेटलाई पुग्ने क्षमताका आधुनिक मेसिनहरुद्वारा केकजन्य सामाग्री उत्पादन गरिने सञ्चालक राउतले बताए । ‘तत्काल काठमाडौंमा ५० सम्म आउटलेटलाई धान्ने क्षमताका पूर्वाधार र जनशक्ति हामीले तयार गरेका छौं ।’ सञ्चालक राउतले भने– ‘आवश्यकता अनुसार उद्योगको क्षमता र जनशक्ति थप्दै लगिनेछ ।’

पछिल्लो समय बर्थ डे, म्यारिज एनिभर्सरी लगायत सबै अवसरहरुमा केकको प्रयोग बढ्दै गएको छ । यस्तो अवस्थामा गुणस्तरीय र ब्राण्डेड केक उपभोक्तामाझ पुर्याउने अवधारणबाट यो केक सपको स्थापना गरिएको छ ।

‘नेपालमा केकको बास्तविक स्टैण्डर्डराइजेशनको पहिचान हामी दिंदैछौं ।’ सपका अर्का सञ्चालक सञ्जय महासेठले भने– ‘हामीले उत्पादन गर्ने केकको ब्राण्डलाई अन्तर्राष्ट्रिय गुणस्तर चिन्ह (आईएसओ) बाट प्रमाणित गर्दैछौं ।’

यस्तो गुणस्तरीय ब्राण्डेड केकलाई काठमाडौं उपत्यकाभित्र अर्डर भएको १ घण्टामै डेलिभरिको व्यवस्था समेत मिलाइएको सञ्चालक महासेठले जानकारी दिए । केक प्रयोगको क्षेत्र र डिजिटल माध्यम प्रयोगको क्षेत्रमा ठूलो ग्याप उनले बताए ।
काठमाडौंमा तत्कालै २० वटा आउटलेट स्थापना गर्ने र त्यस लगतै पोखरा, नेपालगञ्ज र हेटौडामा सेवा विस्तार गर्ने योजना रहेको सञ्चालक महासेठले सुनाए ।

‘वेकरिज द केक सप’ मा वेकरी सम्वन्धी सम्पूर्ण परिकारहरु उपलब्ध हुनेछन् । यो केक सपले फ्रेस, गुणस्तरीय, उत्कृष्ट र प्रविधियुक्त सरल सेवालाई उच्चप्राथमिकतामा राखेको जनाएको छ ।

उक्त सपमा ‘टिक टक’ प्रेमीहरुलाई लक्षित गरी फोटो तथा भिडियो सूटको लागि उत्कृष्ट डेकोरेसनको समेत व्यवस्था गरिदिएको छ ।

‘वेकरिज द केक सप’ले कफी बनाउने (बारिस्टा) को तालिम समेत चाँडै थाल्ने जनाएको छ । वारिष्टा कफि स्कूलमा भने विदेश जाने तथा स्वदेशमै स्वरोजगार वन्न कफि तालिम लिन चाहनेहरुका लागि लक्षित हुनेछ । वेसिक १५ दिने र एडभान्स ३५ दिने कफि बनाउने तालिम उपलव्ध गराउने सञ्चालक राउतले जानकारी दिए ।


प्रतिक्रिया

One thought on “‘वेकरिज द केक सप’को आउटलेट शंखमुलमा, काठमाडौंका ५० ठाउँमा फ्रेन्चाइज विस्तार गर्ने

Leave a Reply

Your email address will not be published. Required fields are marked *