माओवादी केन्द्रले टुंग्यायो पदाधिकारीबाहेक सबै समिति

काठमाडौं । नेकपा (माओवादी केन्द्र)ले पदाधिकारीबाहेक सबै समिति टुंगो लगाएको छ ।

पार्टी कार्यालय पेरिसडाँडामा बसेको स्थायी समिति बैठकले ४३ सदस्यीय स्थायी समिति गठन गर्ने, १२५ सदस्यीय पोलिटब्यूरो समिति गठन गर्ने, २६ जना वैकल्पिक पोलिटब्यूरो बनाउने र ३४१ सदस्यीय केन्द्रीय समिति गठन गर्ने निर्णय गरेको हो ।

बैठकले ६ जना रिक्त रहेको केन्द्रीय सदस्यको पनि पदपूर्ति गरेको स्थायी समिति सदस्य गिरीराजमणी पोखरेलले नेपाल प्रेसलाई जानकारी दिए । उनका अनुसार भोलि बिहान ८ बजे फेरी बैठक बस्ने गरी आजको बैठक स्थगित भएको र भोलि नै पदाधिकारी टुग्याउने तयारी छ ।