राप्रपा बैठक- गठबन्धन गर्ने अधिकार लिङ्देनलाई, चुनाव परिचालन र घोषणापत्र समिति गठन
नेपाल प्रेस
२०७९ साउन ३० गते १७:३९
काठमाडौं । राष्ट्रिय प्रजातन्त्र पार्टीले आगामी प्रतिनिधिसभा र प्रदेशसभा निर्वाचनमा विभिन्न दलसँग गठबन्धन र तालमेलका लागि निर्णय लिने अधिकार अध्यक्ष राजेन्द्र लिङ्देनलाई दिएको छ ।
मंगलवार बसेको केन्द्रीय कार्य सम्पादन समितिको बैठकले तालमेलका लागि सबै दलसँगको छलफल खुला गरेको छ । बैठकले लिङ्देनको अध्यक्षतामा निर्वाचन परिचालन समिति र संसदीय समिति गठन गरेको प्रवक्ता मोहन श्रेष्ठले जनाएका छन् ।
त्यस्तै घोषणापत्र तयारीका लागि प्रा.डा. गीताभक्त जोशीको संयोजकत्वमा सगुन सुन्दर लावती, रमानन्द न्यौपाने, प्रा.जयन्तनाथ खनाल र हेमराज कार्की सदस्य रहेको मस्यौदा समिति गठन भएको छ ।
नेपाल प्रेस
प्रकाशित: २०७९ साउन ३० गते १७:३९
प्रतिक्रिया
सम्बन्धित खवर
