एमाले केन्द्रीय सदस्यमा चारजना मनोनीत
नेपाल प्रेस
२०७९ साउन २६ गते १७:१०
काठमाडौं । नेकपा एमालेले विभिन्न पार्टीबाट प्रवेश गरेका चारजनालाई केन्द्रीय सदस्यमा मनोनीत गरेको छ ।
केन्द्रीय सचिवालयको बीहीबार बसेको बैठकले जीवन गौतम, धर्मदत्त देवकोटा, बृजेश गुप्ता र अमृत राजवंशीलाई केन्द्रीय सदस्यमा मनोनीत गरेको हो ।
त्यस्तै नवराज पौडेललाई केन्द्रीय सल्लाहकार मनोनयन गरिएको प्रचार विभाग प्रमुख पृथ्वीसुब्बा गुरुङले जानकारी दिए ।
जीवन र धर्मदत्त माओवादीबाट एमाले प्रवेश गरेका हुन् भने बृजेश गुप्ता मधेसवादी दलबाट र अमृत राजवंशी कांग्रेसबाट एमालेमा प्रवेश गरेका थिए । त्यस्तै सल्लाहकारमा मनोनीत बागलुङका पौडेल केही दिनअघि कांग्रेसबाट एमाले प्रवेश गरेका थिए ।
नेपाल प्रेस
प्रकाशित: २०७९ साउन २६ गते १७:१०
प्रतिक्रिया
सम्बन्धित खवर
