आयो विष्णु माझीको तिज गीत, तर नयाँ बोतलमा पुरानै रक्सी ! – Nepal Press

आयो विष्णु माझीको तिज गीत, तर नयाँ बोतलमा पुरानै रक्सी !

काठमाडौं । हरेक वर्षको तिजमा प्रतीक्षित हुने गर्छ विष्णु माझीको गीत । उनको गीत नआउँदासम्म तिजको फिल नै आउँदैन भन्नेहरू धेरै छन् ।
अन्ततः प्रतीक्षाको घडी समाप्त भएको छ । उनको नयाँ तिज गीत आज रिलिज भएको छ । तर, यसले उनका फ्यानहरूको तिर्खा सम्भवतः मेट्न नसक्ला । कारण यो गीत आवरणमा मात्रै नयाँ छ । अघिल्लो वर्षको ब्लक बस्टर ‘चरी जेलैमा’लाई नै दोहोर्‍याएर बजारमा पस्किएका छन् विष्णु र उनका गीतकार श्रीमान् सुन्दरमणी अधिकारीले ।

यस वर्षको तिज गीतका रूपमा उनीहरूले ‘चरी जेलैमा २’ ल्याएका हुन् । दोस्रो संस्करणमा सुन्दरमणीले चरम अल्छी गरेका छन् । यसमा लिरिक्सबाहेक नयाँपन केही पनि छैन । शब्दहरू ध्यान दिएर नसुन्ने हो भने यो गीत नयाँजस्तै लाग्दैन । गीतको उठानदेखि सबै धुनहरू हुबहु पुरानै छन् । संगीतमा कुनै नयाँ प्रयोग गरिएको छैन ।

गीतको भिडियो नयाँ छ, तर यसले पनि खासै नयाँ अनुभूति गराउँदैन । भिडियोमा पहिलेकै कलाकार ललिता पौडेलले अभिनय गरेकी छन् । कोरस नृत्याङ्गना अत्यधिक प्रयोग गरिएको छ भने गीतको लोकेसन नयाँ छ ।

चेरी जेलैमा २ लाई सुन्दरमणीको होम प्रोडक्सन सपना म्युजिक इन्डष्ट्रीजको युट्यूब च्यानलबाट सार्वजनिक गरिएको हो । गीतलाई दर्शकरश्रोताले कति रुचाउँछन् १–२ दिनमै थाहा हुन्छ । अघिल्लो वर्ष चरी जेलैमाले छोटो समयमा करोड क्लवमा प्रवेश गर्ने कीर्तिमान कायम गरेको थियो । उक्त कीर्तिमान पछि प्रकाश सपुतको ‘पिर’ ले तोडेको थियो ।

प्रतिक्रिया

Leave a Reply

Your email address will not be published.

सम्बन्धित खवर