केन्या भ्रमणका लागि नेपाली क्रिकेट टिमको घोषणा, ज्ञानेन्द्रको पुनरागमन
नेपाल प्रेस
२०७९ साउन २४ गते १९:०६
काठमाडौं । नेपाल क्रिकेट संघ क्यानले केन्यासँगको अन्तर्राष्ट्रिय सिरिजका लागि टिम घोषणा गरेको छ । केन्यासँग हुने टी-२० र एक दिवसीय सिरिजका लागि सन्दीप लामिछानेको कप्तानीमा १६ सदस्य रहेको टिम घोषणा भएको हो ।
टिममा पूर्व कप्तान ज्ञानेन्द्र मल्ल पनि समेटिएका छन् । विकेटकिपर विनोद भण्डारी र ब्याट्सम्यान कुशल भुर्तेल टिमबाट बाहिरिएका छन् ।अर्जुन साउद पहिलो पटक टोलीमा परेका छन् ।
नेपालले यहीँ अगस्ट २५ देखि सेप्टेम्बर ५ सम्म केन्याको भ्रमण गर्नेछ । नेपालले केन्यासँग ५ खेलको टी-२० र ३ खेलको एक दिवसीय सिरिज खेल्नेछ ।
नेपाल प्रेस
प्रकाशित: २०७९ साउन २४ गते १९:०६
प्रतिक्रिया
सम्बन्धित खवर
