हरुवाचरुवा र कमलरीको समस्या तत्काल समाधान गर्न सांसद विशंखेको माग – Nepal Press

हरुवाचरुवा र कमलरीको समस्या तत्काल समाधान गर्न सांसद विशंखेको माग

काठमाडौं । नेकपा माओवादी केन्द्रकी सांसद अन्जना विशंखेले हरुवाचरुवा र कमलरीको समस्या तत्काल समाधान गर्न सरकारसँग माग गरेकी छन् ।

मंगलबार प्रतिनिधिसभा बैठकको शून्य समयमा बोल्दै सांसद विशंखेले संविधानले उनीहरूको जमिनको सुनिश्चितता गरे पनि त्यसअनुसारको व्यवस्था सरकारले अझै नगरेकोमा बताइन् ।

सांसद विशंखेले उनीहरूको पुनःस्थापनाको व्यवस्था गर्न ढिलाइ नगर्नसमेत सरकारको ध्यानाकर्षण गराएकी छन् ।

उनले भनिन्, ‘नेपालको संविधानको धारा ४० अन्तर्गत भूमि र जमिनको व्यवस्था सुनिश्चित गर्ने भन्दाभन्दै पनि तराईमा हरुवाचरुवा र मधेसमा हलियाको समस्या अझै समाधान भएको छैन । समस्या समाधानका लागि गठित समितिले अझै काम गर्न सकेको छैन, समस्या समाधान होस् ।’


प्रतिक्रिया

Leave a Reply

Your email address will not be published. Required fields are marked *

सम्बन्धित खवर