लोसपालाई गठबन्धनमा थप्नेबारे छलफल भयो : कार्की
नेपाल प्रेस
२०७९ साउन २३ गते १८:१२
काठमाडौं । लोकतान्त्रिक समाजवादी पार्टी (लोसपा)लाई सत्ता गठबन्धनमा सहभागी गराउनेबारे गठबन्धनको कार्यदलमा छलफल भएको छ ।
सोमबारको पहिलो बैठकमा लोसपालाई पनि गठबन्धनमा सामेल गर्नेबारे छलफल भएको कार्यदलका सदस्य ज्ञानेन्द्र बहादुर कार्कीले जानकारी दिए ।
गठबन्धनमा लोसपालाई समावेश गर्ने जिम्मेवारी शीर्ष नेताहरूको रहेको भन्दै उनले लोसपा गठबन्धनमा सहभागी हुने बताए ।
लोसपा अध्यक्ष महन्थ ठाकुरसहितको टोलीले आइतबार प्रधानमन्त्रीसँग भेटेर गठबन्धनमा सहभागी हुने र सरकारमा पनि भाग लिने चाहना व्यक्त गरेका थिए ।
प्रतिक्रिया
सम्बन्धित खवर