‘कृष्ण-लीला’ टिमद्वारा पशुपति क्षेत्रमा निःशुल्क पानी वितरण

काठमाडौं । चलचित्र कृष्ण लीलाका कलाकारहरूले साउने सोमबारको अवसरमा पशुपति क्षेत्रमा निःशुल्क पानी वितरण गरेका छन् ।

भाद्र तीन गते प्रदर्शनमा आउन लागेको चलचित्रका नायक पुष्प खड्का, नायिका श्रद्धा क्षेत्री निर्देशक दीपक ओली लगायतले पशुपति क्षेत्रमा निःशुल्क पानी वितरण गरेका हुन् ।

प्रकाश कार्की र केबल तामाङ निर्माता रहेको चलचित्रको सह निर्मातामा पीताम्बर आचार्य र रोजन श्रेष्ठ छन् ।

चलचित्रमा पुष्प खड्का,श्रद्धा क्षेत्री,बुद्धि तामाङ ,रवीन्द्र झा,नवीन रेग्मी,भावनाका साथमा हिउँवाला गौतम, आयुष गुरागाईँ,आयुषा क्षेत्री,पीताम्बर आचार्यलगायतका कलाकारले अभिनय गरेका छन् ।

आरआर फिल्म प्रोडक्डसनको ब्यानरमा निर्मित चलचित्रको वितरक पनि आरआर फिल्मस नै हो । चलचित्रको डिजिटल राइट्स डिएआर मुभिजले लिएको छ।

साउने सोमबारमा पशुपति क्षेत्रमा दर्शनार्थीको निकै भिड हुने गर्दछ । आज साउनको चौथो सोमबार हो ।