छड्के- २ को वर्कशपमा अनमोलको ग्याङस्टार लुक्स – Nepal Press

छड्के- २ को वर्कशपमा अनमोलको ग्याङस्टार लुक्स

काठमाडौं । अभिनेता अनमोल केसी यतिबेला चितवनमा  छन् । नयाँ फिल्ममा ‘छड्के २’ काम शुरु गर्नुअघि नै अनमाेल केसीकाे  लुक्स सार्वजनिक भएको छ । छायांकनको तयारीमा रहेको उक्त फिल्मका अभिनेता केसी कार्यशालामा व्यस्त छन् । उनको नयाँ लुक्स सार्वजनिक भएको हो ।

निगम श्रेष्ठको पटकथा र निर्देशनमा बन्न लागेको उक्त फिल्मको छायांकनभदौ १ गतेबाट शुरु हुदैछ । काभ्रे फिल्मको ब्यानरमा बन्ने उक्त फिल्मको निर्माता भने प्रशान्त गिरी र लक्ष्मण काफ्ले  रहेका हुन् ।

फिल्ममा कलाकारहरु अनमोल केसी , रविन तामांग , कमल मणि नेपाल रहेका छन् । निर्देशक श्रेष्ठका अनुसार अहिले चितवनमा वर्कशप भएको छ। अनमोल केसी अहिलेसम्मको भिन्न भूमिकामा देखिने तयारीका लागि उनले क्यारेक्टर एडप्ट गरिरहेको उनले बताए ।

उनले भने,‘एउटा स्टारले आफ्नो क्यारेक्टरलाई जिवन्त बनाउन गरेको यो संघर्षले टिमलाई उर्जा मिलेको छ। हामीले सोचेको भन्दा बढी मेहनत अनमोलले आफ्नो क्यारेक्टरमा प्रस्तुत हुन् गरिरहेका छन्।’

साउनकै तेस्रो साताबाट छायांकनमा जाने भनिएता पनि विविध कारणसँगै मौसम प्रतिकुलहुँदा रि(सेड्युल गरेर भदौ १ गतेबाट छायांकनमा जाने तयारी रहेको निर्माता गिरीले बताए ।

ग्याङ्गस्टर फिल्मलाई छायांकन गर्न अहिले ६० दिनको सेड्युल रखिएको छ। फिल्मको ब्राण्ड भ्यालुलाई खस्किन नदिन निर्माताको पक्षबाट कुनै सम्झौता नगरिएको उनले बताए । उनले भने, ‘निर्देशक र कलाकारलाई चाहिने सम्पूर्ण कुराहरु उपलब्ध गराएका छौँ। बाँकी कलाकार सहित टिमलाई छायांकन प्रारम्भ भएसँगै परिचित गराउने छौँ।’

प्रतिक्रिया

Leave a Reply

Your email address will not be published.