हिरोसिमा भ्रमणपछि प्रचण्डको प्रश्न- यत्रो विध्वंस गर्नेप्रति जनताको मनमा के होला ? – Nepal Press

हिरोसिमा भ्रमणपछि प्रचण्डको प्रश्न- यत्रो विध्वंस गर्नेप्रति जनताको मनमा के होला ?

काठमाडौं । जापान भ्रमणमा रहेका पूर्वप्रधानमन्त्री पुष्पकमल दाहाल प्रचण्डले आज एक कार्यक्रमममा आफ्नो भ्रमणका रोचक अनुभवहरु सेयर गरेका छन् । जापानमा बस्ने प्रवासी नेपालीहरुसँगको अन्तरक्रियालाई सम्बाेधन गर्दै उनले बुलेट ट्रेन चढेदेखि हिरोसिमा भ्रमणसम्मका अनुभव सुनाएका हुन् ।

आफूले जापानलाई एकदमै सिस्टममा चल्ने देशका रुपमा चिनेको प्रचण्डले बताए ।

उनले भने, ‘यहाँ मैले धेरैपटक बुलेट ट्रेन चढ्ने अवसर पनि पाएँ । ट्रेन १० बजेर ९ मिनेटमा आउँछ भन्थे ठ्याक्कै १० बजेर ९ मिनेटमा नै आयो । १२ बजेर कति मिनेटमा पुग्छ भनेकोमा ठ्याक्कै त्यतिमै पुग्यो ।’

प्रचण्डले ट्रेनमा बस्दाको अनुभव पनि सुनाए ।

‘ट्रेनमा बस्दा जापानी नागरिक, बुद्धिजिवी कोही बोल्दैनन् । बडो शान्तसँग बसिराख्या हुन्छन् । हामी नेपाली बोलिराख्या हुन्छम् । अलि चर्कोचर्कै बोल्छौं ।’
त्यसपछि प्रचण्डले दोस्रो विश्वयुद्धमा ध्वस्त भएको शहर हिरोसिमा भ्रमणको अनुभव यसरी सुनाए ।

‘मैले आज हिरोसिमा गएर सबै म्युजियमदेखि बम हानेपछिको भग्नावशेष हेरेँ । मेरो मनमा थियो, त्यो कुरा मैले साथीहरुलाई सोधेँ । यत्रो दुर्घटना, यत्रो हत्या, यत्रो विध्वस्त हुँदा त विध्वंस गर्नेहरुप्रति जापानीको मनमा के होला मनोभावना भनेर मैले धेरैलाई सोधेँ । धेरैले एउटै उत्तर दिनुभयो, जापानीहरुमा कुनै विद्वैष छैन । त्यो बेलाको परिस्थिति त्यस्तै थियो । तर, अब हामीले मिहिनेत गरेर विकासमा केन्द्रीत हुनुपर्छ भन्ने खालको सोच छ भनेर बताइयो । तपाईंहरु त्यस्तो देशका त्यस्ता जनतासँगको संसर्गमा हुनुहुन्छ ।’


प्रतिक्रिया

2 thoughts on “हिरोसिमा भ्रमणपछि प्रचण्डको प्रश्न- यत्रो विध्वंस गर्नेप्रति जनताको मनमा के होला ?

  1. Timi le gareko bidhangsha ma Nepali janta le je socheka chhan Japanese le pani testai socheka chan.

  2. जापानी को मनमा पनि त्यही होला १७ हजार मारने प्रति नेपालीको मनमा जे होला !!☹️

Leave a Reply

Your email address will not be published. Required fields are marked *

सम्बन्धित खवर