पूजा, आकाश र सोनाम स्टारर ‘सम्हालिन्छ कहिले मन’ को ट्रेलर सार्वजनिक – Nepal Press

पूजा, आकाश र सोनाम स्टारर ‘सम्हालिन्छ कहिले मन’ को ट्रेलर सार्वजनिक

काठमाडौं । सुदर्शन थापा निर्देशित सिनेमा ‘सम्हालिन्छ कहिले मन’को ट्रेलर सार्वजनिक गरिएको छ । सिनेमा सार्वजनिक गीत ‘जरुरी कुरा छ’ले राम्रो हाइप बनाएपछि निर्माण टिमले सिनेमाको ट्रेलर सार्वजनिक गरेको हो ।

सार्वजनिक ट्रेलरले पनि दर्शकबाट राम्रो साथ पाउने निर्माण टिमको विश्वास छ । करिब ३ मिनेटको ट्रेलरमा मुख्य तीन पात्र पूजा, आकाश र सोनमबीचको प्रेम सम्बन्धको वरिपरि घुम्छ । निर्देशक सुदर्शन थापाले आफूले सम्हालिन्छ कहिले दर्शकको अपेक्षा अनुसार नै राम्रो लभ स्टोरी सिनेमा निर्माण गरेको बताए ।

भदौ १७ गतेबाट प्रदर्शन हुन लागेको सिनेमामा पूजा शर्मा, आकाश श्रेष्ठ, सोनम तोप्देन, गौरी मल्ल, सरोज खनाल, धिरेन शाक्यलगायतका कलाकारको पनि अभिनय छ । गायक समेत रहेका सोनमले यही सिनेमाबाट अभिनेताको रूपमा डेब्यू गर्दैछन् ।

एबी इन्टरनेशनलको ब्यानरमा निर्मित सिनेमाको कथा महेश दवाडीले लेखेका हुन् । अर्जुन पोखरेल, ताराप्रकाश लिम्बु र जेम्स प्रधानको संगीत, अर्जुन जिसीको सम्पादन रहेको सिनेमाको निर्मातामा अमित बस्नेत, परी राना र अजित कुमार थापा छन् ।

प्रतिक्रिया

Leave a Reply

Your email address will not be published.