विचार नमिलेको भन्दै मेलिना राईले तोडिन् सञ्जीवसँगको इन्गेजमेन्ट – Nepal Press

विचार नमिलेको भन्दै मेलिना राईले तोडिन् सञ्जीवसँगको इन्गेजमेन्ट

काठमाडौं । गायिका मेलिना राईले प्रेमी सञ्जीव बराइलीसँग गरेको इन्गेजमेन्ट तोडेकी छन् । आफूहरूबिच वैचारिक मतभेद उत्पन्न भएको भन्दै उनले सामाजिक सञ्जालमार्फत इन्गेजमेन्ट तोडेको घोषणा गरेकी हुन् ।

संगीतकर्मी बराइलीसँग मेलिनाको इन्गेजमेन्टको खबर गत वैशाखमा सार्वजनिक भएको थियो । भविष्यमा सँगै जीवन बिताउने सोचसहित सो निर्णय लिएको भए पनि वैचारिक पक्षमा स्पष्ट मतभेद देखिन थालेको मेलिनाको भनाइ छ ।

उनले लेखेकी छन्, ‘धेरै समीक्षा र आत्मसमीक्षापछि कमजोर साधन चढेर बलियो साध्य चुम्न धेरै कठिन हुन्छ भन्ने निष्कर्षमा पुगियो ।’

मेलिना थप्छिन्, ‘सबै इन्गेजमेन्टहरु विवाहमा परिणत हुनै पर्ने बाध्यता नहुने रहेछ । त्यसैले आजकै मितिबाट हामीबीचको इन्गेजमेन्ट तोडिएको कुरा म यही सामाजिक सञ्जालमार्फत सार्वजनिक गर्छु ।’

यसबीचमा शुभचिन्तकहरूमा पर्न गएको भावनात्मक असरप्रति मेलिनाले क्षमा याचना गरेकी छन् । भविष्यमा सांगीतिक क्षेत्रमा अझै मिहिनेतका साथ सेवा गरिरहने प्रतिबद्धता उनले जनाएकी छन् ।

प्रतिक्रिया

One thought on “विचार नमिलेको भन्दै मेलिना राईले तोडिन् सञ्जीवसँगको इन्गेजमेन्ट

  1. कलाकारहरु जन्ताले के सिक्ने?? कलाकार देशको सम्पती भन्ने गरिन्छ तर इमान्दारीता र इज्जत मा हामी कलाकारलाई इमान्दारीता देखिएन।

Leave a Reply

Your email address will not be published.