अल्लु अर्जुनको लुक्स ‘पुष्पा २’ कै हो त ? – Nepal Press

अल्लु अर्जुनको लुक्स ‘पुष्पा २’ कै हो त ?

काठमाडौं । तेलुगु सुपरस्टार अल्लु अर्जुनको नयाँ लुक्सको तस्बिर सार्वजनिक भएसँगै अहिले हरेक मिडियादेखि दर्शकको मनमा उक्त लुक्सले कौतुहलता जगाएको छ ।

बक्स अफिसमा सुपर–डुपर हिट साबित भएको भारतीय तेलुगु चलचित्र ‘पुष्पा’ को दोस्रो संस्करणको लागी सुपरस्टार अल्लु अर्जुनले आफ्नो तयारी सुरु गरेका हुन् भन्ने हरेकले अनुमान गरिरहेका छन् । के ‘पुष्पा’ रिलिज भएको ८ महिना नबित्दै अल्लु अर्जुन ‘पुष्पा २’ को तयारीमा लागेका हुन् त ?

केही दिन अगाडि तेलुगु जगतका चर्चित अभिनेता अल्लु अर्जुनले आफ्नो सामाजिक सञ्जालमा आफ्नो नयाँ लुक्सको एक तस्बिर साझा गरेका थिए । तस्बिरमा अल्लुलाई भिन्न लुक्समा चुरोट समातेको देख्न सकिन्छ ।

सो तस्बिर ‘पुष्पा २’ को तयारीको लागि नभएर एक विज्ञापनको लागि सुट गरिएको हो । अल्लुको सुटमा श्रिङ्गारकर्ता रहेकी प्रीति शीलले सो तस्बिर एउटा अ्याड सुट रहेको दाबी गरेकी छन् ।

अल्लुले आफू अभिनित फिल्म ‘पुष्पाः द राइज’को सफलतासँगै बक्स अफिसमा इतिहास रचेका थिए । भारतीय सञ्चारमाध्यमका अनुसार अल्लु अर्जुनले ‘पुष्पा २’ को लागि पनि आफ्नो तयारी सुरु गरिसकेका छन् ।

आफ्नो क्यारेक्टरको लागि उनले एक नभएर दुईवटा लुक्सको परीक्षण गर्दै छन् । उनले फिल्मको लागि आफ्नो फाइनल लुक्सको बारेमा फाइनल निर्णय दिन भने अझै बाँकी छ ।

प्रतिक्रिया

Leave a Reply

Your email address will not be published.