आठ घण्टापछि नारायणगढ-मुग्लिन सडकखण्ड दुईतर्फी संचालनमा
नेपाल प्रेस
२०७९ साउन १८ गते १०:३०
काठमाडौं । पहिरोका कारण अवरुद्ध नारायणगढ–मुग्लिन सडकखण्ड सञ्चालनमा आएको छ ।
चितवनको नारायणगढ मुग्लिन सडकखण्डको भरतपुर महानगरपालिका २९ केराबारी मौरीखोलामा खसेको पहिरो पन्छाएर सडक दुईतर्फी सञ्चालनमा ल्याइएको हो ।
पहिरोका कारण गएराती साढे दुई २ बजेदेखि सवारी आवागमन पुर्ण रुपमा प्रभावित भएको थियो । मौरीखोलामा गत सोमबार राती खसेको पहिरो २३ घण्टा पछि खुलाइएको थियो ।
बर्षाको कारण सोही ठाउँमा पुन पहिरो खस्दा आवागमन बन्द भएको थियो । अवरुद्ध सडक खुलाइएपनि पहिरोको जोखिम उतिकै रहेको जिल्ला प्रहरी कार्यालय चितवनले जनाएको छ ।
नेपाल प्रेस
प्रकाशित: २०७९ साउन १८ गते १०:३०
प्रतिक्रिया
सम्बन्धित खवर
