मुख्यमन्त्री राई भन्छन्- तर्क र तथ्यको आधारमा पहिचानको कुरा गरेको हो (भिडिओ) – Nepal Press
प्रदेश १ नामाकरण

मुख्यमन्त्री राई भन्छन्- तर्क र तथ्यको आधारमा पहिचानको कुरा गरेको हो (भिडिओ)

काठमाडौं । मुख्यमन्त्री राजेन्द्र राईले प्रदेश १ को नामाकरण पहिचानकै आधारमा हुनुपर्ने आफ्नो अडान दोहोर्‍याएका छन् ।

पुष्पलाल स्मृति दिवसको सन्दर्भमा आयोजित कार्यक्रममा उनले आफूले जातीय सेन्टिमेन्टमा मात्र नभएर तर्क र तथ्यको आधारमा बहुपहिचानको कुरा राखेको बताए ।

केही तर्कका साथ मैले पहिचानको नाम हाम्रो पार्टीको धारणा हो भनेर राखिरखाको छु । मैले जातीय सेन्टिमेटन्टले यो कुरा राखिराखेको छैन’, राईले भने, ‘मलाई भाषा आउँदैन, मलाई राईको संस्कृति आउँदैन, मेरा घरमा अहिले पनि बाहुन लगाएर पूजापाठ हुन्छन्, मैले अन्तरजातीय विवाह गरेको छु, बुबाआमाको पुस्तापछि मैले राई संस्कृतिको पूजाआजा गर्दिनँ र जान्दिनँ पनि, मलाई साकेला नाच्न आउँदैन । मेरो तर्क र तथ्य छ त्यति मात्र हो ।’

मुख्यमन्त्री राईले प्रदेशको नामाकरणमा मूलधारका नेताहरूले नै हिजो पहिचानको आश्वासन दिएको बताए ।

राईले भने, ‘हिजो हाम्रै मुलधारका नेताहरूले आन्दोलन र चुनावको बेला तिमीहरूलाई पहिचानको नाम दिन्छौ भने अनेकौ पटकका सम्झौताहरूमा कागज गरेका छन् । मा‌ओवादीले त एकल पहिचानको कुरा गरेर जनसरकारहरू नै बनाए । कांग्रेसले भीम तामाङ, नरहरि आचार्यसहितको कार्यदलले द्वन्द्व पनि मेटिने, पहिचान पनि भेटिने भनेर सिफारिस नै गरेको छ । एमालेको पनि संविधानसभाको दुईटा चुनावमा बहुपहिचानको सातवटा प्रदेश हुनेछन् भनेर त्यो घोषणापत्र तयार गरेका छौं ।’

प्रतिक्रिया

Leave a Reply

Your email address will not be published.

सम्बन्धित खवर