ओलीसमक्ष नारायणकाजीको प्रस्ताव- पार्टी एकता नभए पनि वाम तालमेल गरौं (भिडिओ) – Nepal Press

ओलीसमक्ष नारायणकाजीको प्रस्ताव- पार्टी एकता नभए पनि वाम तालमेल गरौं (भिडिओ)

काठमाडौं । नेकपा माओवादी केन्द्रका वरिष्ठ नेता नारायणकाजी श्रेष्ठले आउने चुनावमा पार्टी एकता नभए पनि एमाले र माओवादीबीच तालमेल गर्न प्रस्ताव राखेका छन् । एमाले अध्यक्ष केपी शर्मा ओलीसमेत उपस्थित मन्चबाट माओवादी नेता श्रेष्ठले वाम तालमेलको प्रस्ताव राख्दा अधिकांश एमाले कार्यकर्ता उपस्थित हलबाट लगातार ताली बजेको थियो ।

नेपाल चीन मैत्री समाजले शनिबार नेपालको भूराजनीतिक अवस्थाको बारेमा आयोजना गरेको कार्यक्रममा नेता श्रेष्ठले देश जोगाउन वामपन्थी एकता र कमसेकम तालमेल तथा संयुक्त मोर्चातर्फ जानैपर्ने बताए । उनले नेकपा एकता जोगाउन नसकेकोमा आफू पनि भागीदार रहेको भन्दै सोही मञ्चबाट आत्मालोचनासमेत गरे ।

श्रेष्ठले भने, ‘कमरेड केपी ओली यही हुनुहुन्छ । सबैसँग विनम्रतापूर्वक आग्रह गर्छु । तुम शेर तो हम सवा शेर भन्ने छाडौं । घटनाक्रमको विषयवस्तुमा गम्भीर आत्मसमीक्षा गरौं ।प्रतिनिधिसभा विघटनमा के भयो ? १९ बुँदे आरोपपत्रमा के भएको हो ? क-कसको के भूमिका थियो, समीक्षा गरौंला । तर, अहिले एकता नहोला तालमेल गरेर जाऔं ।’

श्रेष्ठले वामपन्थीहरु एकापसमा लड्दा कम्युनिस्ट आन्दोलन सिद्धिने र त्यसको असर मुलुकको देशभक्तिपूर्ण आन्दोलन कमजोर भएर देश संकटमा पर्ने बताए ।


प्रतिक्रिया

2 thoughts on “ओलीसमक्ष नारायणकाजीको प्रस्ताव- पार्टी एकता नभए पनि वाम तालमेल गरौं (भिडिओ)

  1. महादलालकाे पेलानमा परेजस्ताे छ । बामपन्थी एकता सम्झिएछन् । पार्टी फुटाउने १ नम्बर बामदेव र नारायणकाजि हुन् ।

  2. यस्ता चिप्ले कुराले एमालेकाे बुई चढेर एमालेकाे टाउकामा हान्ने दाउमा रहेका नाकाजी तथा प्रचण्ड हरुका कुरामा एमाले फस्याे भने यीनले फेरि पनि एमाले फुटाउँछन् । सूर्य चिन्हमा चुनाब लड्ने सर्त बाहेक एमालेले कदापि एकता अथवा तालमेल गर्नुहुन्न । वरु नेकाले बहुमात ल्याओस एमाले सम्मानित प्रतिपक्षी भएर रहनु स्रेयस्कर हुन्छ । चेतना हाेस ।

Leave a Reply

Your email address will not be published. Required fields are marked *

सम्बन्धित खवर