सरकारका प्रवक्ताले भने- गभर्नरको विषयलाई गम्भीररूपमा हेरिनुपर्छ – Nepal Press

सरकारका प्रवक्ताले भने- गभर्नरको विषयलाई गम्भीररूपमा हेरिनुपर्छ

काठमाडौं । नेकपा एमालेको एउटा विभागमा राष्ट्र बैंकका गभर्नर महाप्रसाद अधिकारीलाई पनि राखिएको भन्दै उत्पन्न विवादलाई लिएर सरकारले प्रतिक्रिया दिएको छ । सञ्चारमन्त्री तथा सरकारका प्रवक्ता ज्ञानेन्द्रबहादुर कार्कीले यो विषयलाई गम्भीरतापूर्वक हेरिनुपर्ने बताए ।

आज सञ्चारकर्मीसँग कुरा गर्दै कार्कीले भने, ‘आज संसदमा पनि यो विषय धेरै माननीयहरूले उठाउनुभएको छ । यसलाई गम्भीरतापूर्वक हेर्नुपर्ने हुन्छ ।’

राष्ट्र बैंकका गभर्नरले देशको अर्थतन्त्रलाई मजबुत बनाउनका निम्ति भूमिका निभाउनुपर्नेमा कार्कीले जोड दिए ।

यस्तै अर्थमन्त्रीको राजीनामा प्रकरणमा उनले छानबिनपछि सत्यतथ्य बाहिर आउने बताए ।

कार्कीले भने, ‘यस्ता विवादहरू पहिले पनि भएका छन् । भरतमोहन अर्थमन्त्री हुँदा तत्कालीन सचिव रामेश्वर बोहराले राजीनामा नै दिएर हिँड्नुभएको थियो । विष्णु पौडेलको पालामा त्यस्तै भएको थिए । अहिले पनि जुन विवाद आएको छ, उचित छानबिनबाट हल हुन्छ ।’

सरकारको कार्यसम्पादनको विषयमा पार्टीभित्र उठेका प्रश्नहरूलाई सामान्य रूपमा लिनुपर्ने मन्त्री कार्कीले बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर