प्रधानमन्त्री विक्रमासिङ्घे बने श्रीलंकाका कार्यवाहक राष्ट्रपति – Nepal Press

प्रधानमन्त्री विक्रमासिङ्घे बने श्रीलंकाका कार्यवाहक राष्ट्रपति

काठमाडौं । चरम आर्थिक संकटको बीचमा श्रीलंकाका राष्ट्रपति गोटाबाया राजापाक्षे परिवारसहित देश छोडेर भागेसँगै श्रीलंकाका प्रधानमन्त्री विक्रमासिङ्घे श्रीलंकाका कार्यवाहक राष्ट्रपति बनेका छन् ।

सभामुख महिन्दा यापा अबेवर्देनाले एक पत्रकार सम्मेलन आयोजना गर्दै गोटाबाया राजापाक्षेले नै आफू विदेशमा रहेका बेला प्रधानमन्त्री विक्रमासिङ्घेलाई कार्यवाहक राष्ट्रपतिको जिम्मेवारी सुम्पिएको जानकारी गराएका हुन् ।

श्रीलंकाको संविधानको धारा ३७ को उपधारा (१) बमोजिम रानिल विक्रमासिङ्घेलाई कार्यवाहक राष्ट्रपति नियुक्त गरिएको अबेवर्देनाको भनाइ छ ।

मंगलबार राति श्रीलंकाका राष्ट्रपति गोटाबाया परिवारसहित देश छोडेर माल्दिभ्स पुगेसँगै हाल श्रीलंकामा आर्थिक संकट सँगसँगै राजनैतिक संकटको अवस्था देखापरेको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर