प्रेम सुवालको प्रस्ताव- संघ र प्रदेशको अलग अलग नागरिकता – Nepal Press

प्रेम सुवालको प्रस्ताव- संघ र प्रदेशको अलग अलग नागरिकता

काठमाडौं । नेपाल मजदुर किसान पार्टीका सांसद प्रेम सुवालले संघ र प्रदेशको अलग–अलग नागरिकता हुनुपर्ने बताएका छन् । प्रतिनिधिसभाअन्तर्गत आजको बैठकमा बोल्दै उनले यस्तो तर्क राखेका हुन् ।

यसबाहेक उनले बुवा र आमा दुबै नेपाली नागरिक भएमात्र वंशजको आधारमा नागरिकता दिनुपर्ने बताए । उनले भने, ‘निर्वाचन, सरकारी सेवा, राजनीतिक मनोनयन र नियुक्ति, कूटनीतिक नियुक्ति र उद्योग व्यापारमा वंशजको नागरिक हुनुपर्छ ।’

यस्तै उनले जन्मका आधारमा विदेशीले पाएको नागरिकता छानबिन गरी खारेज गर्नुपर्ने बताए । नेपालीसँग विवाह गरेका विदेशी नागरिकका हकमा नेपालमा निरन्तर बसोबास गरेको २० वर्षपछि मात्र अंगीकृत नागरिकता दिनुपर्ने उनले बताए ।

‘अंगीकृत नेपाली नागरिकता उपलब्ध गराउनसक्ने र यस्तो नेपाली नागरिकता उपलब्ध गराउनुअघि नेपालको कुनै भाषा र संकृतिबारे लिखित परीक्षा र अन्तर्वार्ता उत्तीर्ण गर्नुपर्ने व्यवस्था जरुरी छ’, सांसद सुवालले भने ।

प्रतिक्रिया

Leave a Reply

Your email address will not be published. Required fields are marked *