चिनियाँ कम्युनिष्ट पार्टीका नेता लिउ खुमलटारमा, माओवादी नेतृत्वसँग भेटघाट
नेपाल प्रेस
२०७९ असार २७ गते १६:३८
काठमाडौं । नेपाल भ्रमणमा रहेका चिनियाँ कम्युनिस्ट पार्टी (सीपीसी) का विदेश विभाग प्रमुख लिउ जियान्चाओले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ लाई भेटेका छन् ।
खुमलटारस्थित निवास पुगेर लिउले प्रचण्ड भेटेका हुन् । दुईजनाबीचको भेटवार्तामा माओवादी नेताहरू कृष्णबहादुर महरा, नारायणकाजी श्रेष्ठ, वर्षमान पुन, देव गुरुङ, पम्फा भुसाललगायत सहभागी थिए ।
भेटवार्तामा दुई देशका कम्युनिस्ट पार्टीबीच सहकार्यका विषयमा कुराकानी भएको बताइएको छ ।
हिजो काठमाडौं ओर्लिएका लिउले एमाले अध्यक्ष केपी शर्मा ओली, राष्ट्रपति विद्यादेवी भण्डारीसँग पनि भेट्दै छन् ।
प्रधानमन्त्री शेरबहादुर देउवा, परराष्ट्रमन्त्री नारायण खड्कासँग भने हिजै भेट भइसकेको छ ।
नेपाल प्रेस
प्रकाशित: २०७९ असार २७ गते १६:३८
प्रतिक्रिया
सम्बन्धित खवर
