माओवादी केन्द्रको बैठक सकियो, भोलि ११ बजे पुनः बस्ने
नेपाल प्रेस
२०७९ असार १९ गते १५:२४
काठमाडौं । नेकपा माओवादी केन्द्रको केन्द्रीय समिति बैठक आजलाई सकिएको छ । भोलि पुनः ११ बजे बस्ने गरी सकिएको जनाइएको छ ।
आजको बैठकमा सहिदहरूलाई श्रद्धाञ्जली अर्पण, थपिएका केन्द्रीय कमिटी सदस्यहरूको शपथ ग्रहण सम्पन्न भएका छन् ।
यस्तै अर्को प्रस्तावित कार्यसूचीअनुसार प्रदेश समितिका अध्यक्ष तथा इन्चार्जहरूले प्रदेशको रिपोर्ट प्रस्तुत गर्ने क्रम सुरु भएको छ ।
आज बागमती प्रदेशका अध्यक्ष सरल सहयात्री र उपत्यका विशेष प्रदेशका अध्यक्ष जगत सिम्खडाले आफ्नो प्रदेशका रिपोर्टहरू प्रस्तुत गरेका छन् ।
भोलिको बैठकमा अन्य प्रदेशहरूको रिपोर्ट प्रस्तुत गरिने जनाइएको छ ।
नेपाल प्रेस
प्रकाशित: २०७९ असार १९ गते १५:२४
प्रतिक्रिया
सम्बन्धित खवर
